Pasyensya Na...

Pasensya na
kung hindi kita pinapansin
nitong mga nakalipas na araw.

Pasensya na
kung d kita tinitingnan man lang
pag nagkakasalubong tayo sa daan.

Pasensya na
kung parang kaluluwa ang kaharap ko
sa tuwing nagkakatapat tayo.

Pasensya na
kung hindi ko natupad ang pangako ko
na manatiling kaibigan mo
sa habang buhay.

Hindi ko kasi inakala
na magiging ganito kasakit,
ang makita kayong magkasama muli.

Pasensya na
kung tila binasura ko na
ang lahat ng ala-ala nating dalawa.

Pasensya na
kung wala na akong ginagawa
para masagip pa
ang ating pinagsamahan.

Pasensya na talaga.

Yan lang kasi
ang paraan na alam ko
upang makalimutan ka na
ng tuluyan.

sa susunod na magkasalubong tayo
dedmahin mo nalang ako
parang hangin na dumaan
na walang naging silbi,
walang naging saysay,
at d naging bahagi
ng buhay mo.

at kung sa susunod pang muli
na magkita tayo
ay kinakausap na kita
at nakakangiti na ako sayo
at nakakatingin na ako
sa mga mata mo
at wala ka nang nakikitang bakas ng luha
sa mga mata ko..
asahan mong
nakalimutan na kita
at naibaon ko na
ang lahat ng ating ala-ala
nakatarangka na sa baul
na di na muling bubuksan pa.